Le Spa

Ang Le Spa ay isang santuwaryo ng pangkalahatang kalusugan na lalong pinainam ng elegansya ng Prances at giliw ng Pilipino. Ito ay tiyak na pupukaw sa katawan, isipan at kalooban at magbibigay ng hirang na kalingang pangkalusugan. Dito ay natatampok ang dalisay na mga lunas na hango sa tradisyonal na silangan o makabagong kanluran. Bukod dito, ang Le Spa ay tahanan din sa sinaunang kasanayan ng paggamot ng mga Pilipino–ang sikreto ng Hilot.

Sa Le Spa, mainam na pinagsama ang mga likas na elemento tulad ng mga kabibe, punong kahoy, at luad mula sa Pilipinas at ang makabagong mga kagamitan para sa marangyang pangkabuohang pagkalinga. Natatampok dito ang malawak na lounge, dry and wet sauna, foot massage area, 9 na treatment suites (kabilang rito ang duo suite na may malaking bath tub), at spa suite na may pinakabagong Trautwein Crystal Bath at sundeck. Dito ay tiyak na makakamtan ang di malilimutang kapahingahan upang manumbalik ang lakas at sigla.